خیبر پختونخواہ :اقلیتی کوٹہ پرداخلہ کی پالیسی پر عمل درآمد کے لئے طالبہ کا عدالت سے رجوع

خیبر پختونخواہ :اقلیتی کوٹہ پرداخلہ کی پالیسی پر عمل درآمد کے لئے طالبہ کا عدالت سے رجوع
نیٹ نیوز

campus-talks

خیبر پختونخواہ میں اقلیتوں کے لئے مخصوص ایک فی صد کوٹہ کے مطابق داخلہ نہ ملنے پر عیسائی طالبہ آنسہ نے پشاور ہائی کورٹ سے رجوع کیا ہے۔ پشاور ہائی کورٹ میں مقدمہ دائر کرنے والی طالبہ آنسہ کا کہنا ہے کہ انٹرمیڈیٹ امتحان پاس کرنے کے بعد سرکاری میڈیکل کالجز میں داخلہ کے لئے درخواست دی تھی جس کا جائزہ خیبر میڈیکل یونیورسٹی کے زیرِانتظام میڈیکل کالجز کی کمیٹی نے لیا ہے۔ آنسہ کا کہنا ہے کہ صوبائی حکومت کی پالیسی کے بر خلاف میڈیکل کالجز میں اقلیتوں کے لئے صرف ایک نشست مخصوص ہے۔ آنسہ نے اپنی درخواست میں خیبر میڈیکل یونیورسٹی کے وائس چانسلر، ایڈمیشن کمیٹی کے چیر پرسن اور صوبائی محکمہ صحت کے سیکرٹری کو فریق بنایا ہے۔

خیبر پختونخواہ حکومت کی داخلہ پالیسی کے مطابق تمام تعلیمی اداروں میں اقلیتوں کے لئے ایک فی صد نشستیں مخصوص
ہیں۔ اطلاعات کے مطابق خیبر پختونخواہ کے سات میڈیکل کالجز میں کل 1218نشستیں ہیں اور حکومتی پالیسی کے مطابق اقلیتوں کے لئے 13نشستیں مخصوص ہونی چاہئیں تاہم اس وقت خیبر پختونخواہ کے میڈیکل کالجز میں اقلیتوں کے لئے صرف ایک نشست مخصوص ہے۔ درخوست گزار طالبہ کے مطابق رواں برس داخلہ کمیٹی نے صرف ایک اقلیتی طالب علم کو داخلہ دیا ہے اور باقی تمام طلبہ کی درخواستیں رد کر دی گئی ہیں۔
پاکستان میں وفاقی سطح پر تمام تعلیمی اداروں میں اقلیتوں کے لئے 6فی صد نشستیں ، پنجاب میں 5 فیصد جب کہ خیبر پختونخواہ میں سب سے کم یعنی ایک فیصد نشستیں مخصوص ہیں۔ پاکستان کے تعلیمی نظام، نصاب ،تعلیمی سرگرمیوں اور ملازمتوں کے حصول میں اقلیتوں کے ساتھ امتیازی سلوک کی شرح تشویش ناک ہے۔


Did you enjoy reading this article?
Subscribe to our free weekly E-Magazine which includes best articles of the week published on Laaltain and comes out every Monday.

Related Articles

مطالبات منوانے کے لئے قبائلی علاقوں کے طلبہ کے مظاہرے

فاٹا سیکریٹریٹ نے خیبرپختونخواہ کے کالجز میں داخلہ کا وعدہ کیا تھا جو ابھی تک پورا نہیں ہوا

قائد کی 11 اگست کی تقریر نصاب میں شامل کرنے کا فیصلہ

آٹھویں سے دسویں جماعت تک کی کتب میں قائد اعظم کی گیارہ اگست کی تقریر کے اقتباسات شامل کیے جائیں گے۔

لسبیلہ یونیورسٹی؛ طلبہ تنظیموں میں تصادم، متعدد طالب علم زخمی

ہاسٹل کمرہ خالی کرانے کے تنازعے سے شروع ہونے والے تنظیمی تصادم کے دوراناب تک 9 طالب علم زخمی ہو چکے ہیں جن میں سے 2 کی حالت نازک ہے۔