راندہء درگاہ

راندہء درگاہ
راندہء درگاہ
مَیں نے آنکھیں بند کرلیں
اور خواب میں چلتا رہا یونہی
تو اِس بیچ
کسی لمحے نے
میرے وجود کو
بھینچ لیا
اور پھر مِرے چہرے پر
چیچک زدہ نُقطے کی صورت
پھیل گئے لمحہ بھر میں
تب میرا
انسانی آبادی میں
رہنا ٹھیک نہیں سمجھا گیا
کیونکہ مَیں
اِس شُمار میں کہیں آتا ہی نہیں تھا
اور میرے لیے
کہیں دُور پرے
کسی مندر کے پہلو میں
اور چِنالی (1)کے سینے پر
کٹیا بنا کے
مجھے رکھا گیا
اور آج مری جب
آنکھ کھلی تو
خود کو اپنی اِس
جنم بھومی سے دُور کہیں
انجانی اور بے مہرآنکھوں کے جِلو میں
اور اذہان کو ملتے دیکھا
تو خود کو دفعتاً
چیچک زدہ کے
اُسی استھان میں پایا

نوٹ: (1)چنالی : گوادر کے جنوب میں پہاڑی کے بالکل ساتھ ہی واقع ایک تاریخی جگہ کا نام جہاں چیچک زدہ لوگوں کو رکھا جاتاتھا۔

Image: Oswaldo Guayasamin

Did you enjoy reading this article?
Subscribe to our free weekly E-Magazine which includes best articles of the week published on Laaltain and comes out every Monday.
K. B. Firaaq

K. B. Firaaq

کے بی فراق کا تعلق گوادر، بلوچستان سے ہے۔ آپ نے بلوچستان یونیورسٹی ، کوئٹہ سے اردو ادب میں ماسٹرز کی ڈگری حاصل کی اور اب کئی سالوں سے فری لانس لکھاری، مترجم اور شاعر کے طور پر اردو اور بلوچی دونوں زبانوں میں ادبی اور تخلیقی خدمات سرانجام دے رہے ہیں۔


Related Articles

ڈھن ڈھنا ڈھیں

جھاڑ دو یہ جھوٹا قلم
اجاڑ دو یہ کچا کاغذ
بانٹ دو میرے سارے لفظ
بے اولاد دماغوں کے اندر

پرندے کے پیر پر

اندیشہ لیکن آنکھوں میں گھس کر دہرائے جاتا ہے
"منظر بدلا تو کیا ہو گا
خواب ہوا تو
ٹوٹ کے اور بھی کرچیں آنکھوں میں بھر دے گا
خواب نہیں تو
دھو لینے پر شاید سوزش بڑھ جائے گی

ہر عورت پینسل نہیں ہوتی

ایچ-بی-بلوچ: مجھے پینسلوں کی خوشبو کیوں پسند ہے؟
شاید اس لیئے کہ
مجھے ان سے لکھنا یا پھر ان کو چھیلنا پسند ہو