ہرکولیس اور پاٹے خاں کی سرکس

ہرکولیس اور پاٹے خاں کی سرکس
ہرکولیس اور پاٹے خاں کی سرکس
یہ بے ہنگم، بے ڈھب دنیا
ہر متناسب سوچ کو
پوجا کے پرشاد سے فربہ کر دیتی ہے
یا
تنگی کی چکی سے
وہ خوراک کھلاتی ہے
سوچ کی آنکھیں دھنس جاتی ہیں
کان لٹک جاتے ہیں

 

کسی سڈول خیال کو
محبوبہ نہیں ملتی
حاسد بھول بھلیاں اسے
جواں ہونے سے پہلے بوڑھا کر دیتی ہیں

 

ہرکولیس اور پاٹے خان کی
سرکس سے بچ کر
خالص دانش کے رستے پر
جوگنگ کرنے والا
سر کی رگ بھٹنے سے
راہی ءِ ملکِ عدم ہوا

 

بس اک شعبدہ باز ہے
جب وہ ہاتھ کی اک جنبش سے
بطنِ ہوا سے
سکہ پیدا کرتا ہے
تو بے ہنگم، بے ڈھب دنیا
تالیاں پیٹتے پیٹتے
ہاتھ سُجا لیتی ہے

Hussain Abid

Hussain Abid

Poet and Musician Hussain Abid, was born in Lahore and is currently living in Germany. His poetry collections; "Utri Konjain", "Dhundla'ay din ki Hidat" and Behtay Aks ka Bulawa" have been praised by the general audience and the critics alike. Hussain Abid collaborated with Masood Qamar to produce "Kaghaz pe Bani Dhoop" and "Qehqaha Isnan ne Ejad kia". Abid's musical group "Saranga" is the first ever musical assemble to perform in Urdu and German together.


Related Articles

من کی ملکہ

شہناز شورو: ملکہ کا ذِکر اب شہر بھرکا موضوع تھا۔۔۔ ہر شخص کے پاس اپنا ہی ترازو تھا۔۔۔ اور ملکہ کے گناہوں کا پلڑا۔۔۔ بلاشبہ ہر جا، بھاری تھا

نظریہء اضافت کے پاتال میں

جمیل ارحمان:
سورج، ستارے، زمین اور ہم
سبھی گردش میں ہیں
ہمارے دنوں کی طرح
مگر ساکت ہیں

ہائے ماں

ثمینہ تبسم: اب میں جب بھی سپارا کھولتی ہوں
مُجھ کو پھر سے ڈراتا ہے وہ خواب