یہ رسم الخظ اگر میں جانتا تو---

یہ رسم الخظ اگر میں جانتا تو---

گلزار کی یہ نظم معروف ادبی جریدے 'تسطیر' میں شائع ہو چکی ہے، لالٹین قارئین کے لیے اسے مدیر تسطیر نصیر احمد ناصر کی اجازت سے شائع کیا جا رہا ہے۔

تسطیر میں شائع ہونے والی مزید تخلیقات پڑھنے کے لیے کلک کیجیے۔

شاعر: گلزار

یہ رسم الخط اگر میں جانتا تو،
وہ سب پڑھتا جو موسم لکھ کے جاتا ہے

مری دیوار کی سیلن میں شاید لکھ گیا تھا
دراڑیں پڑ رہی ہیں
بھرے رپتے ہو شاید اسی لیے وہ رستی رہتی ہیں
کبھی تو خشک بھی ہونے دو آنکھوں کو!
کبھی پتوں پہ پڑتی سلوٹیں پڑھتا ہوں اُٹھ کر
نہیں یہ عمر کی جھریاں نہیں ہیں
پریشانی ہے کوئی اس کی پیشانی پہ لکھا ہے
ہوائے گرم سے گزرے ہو تم بھی
لکیریں تجربوں کی آنکھوں کے نیچے نظر آنے لگی ہیں!
ذرا اوپر کے روشندان پر دیکھو تو، گرد آندھی کی
پوں بیٹھی ہے آ کر
ہوا کی پھونک سے اُڑتی نہیں اب
فلک دھندلا نظر آتا ہے ان میں
نظر کمزور ہونے لگ گئی ہے

چمکتی دھوپ میں دیوار کے کونے سے اک پتی نے جھانکا ہے
بہت سینچی ہیں تم نے درد سے مٹی کی دیواریں
اُپج کی کونپلیں اُگنے لگی ہیں!

Image: Duy Huynh

Did you enjoy reading this article?
Subscribe to our free weekly E-Magazine which includes best articles of the week published on Laaltain and comes out every Monday.

Related Articles

جنگیں اور نظمیں ختم نہیں ہوتیں

نصیر احمد ناصر: صلاح الدین!
تمہیں جنگل کی تلاش تھی
تمہارا جنگل تمہارا شاوک تھا
یہیں کہیں ہو گا

"مُداخلت بند کرو"

ہم بھی کیا ہیں
خاموشی آغاز ابھی ہونے لگتی ہے
بھاری بھرکم لفظ اُٹھا کر
بلا اجازت
خاموشی میں شور مچاتے گھس جاتے ہیں !

رشتہ خور چوہے

قرۃ العین فاطمہ: یہ دنیا چوہوں کی آماجگاہ ہے
جو رشتوں کو کترتے رہتے ہیں