واشنگٹن کی کالی دیوار (نسیم سید)

واشنگٹن کی کالی دیوار (نسیم سید)

اپنی فیروز بختی پہ نازاں
سیہ پوش دیوار پر
آب زرسے لکھے نام
پڑھتےہوئے
میری آنکھیں پھسلتی ہوئی
نیہہ پر جا گریں
الغِیاث! الاَماں!
ایک بستی کے جسموں کا گارا
سیہ ماتمی مرمروں کے تلے
اس کی بنیاد کا رزق تھے
زائرین۔۔۔۔۔۔۔۔۔۔۔۔۔۔۔۔۔۔۔۔۔۔۔
جوُق در جوُق
اس غم زدہ دل گرفتہ کو
اشکوں کے نذرانے دیتے
فقط آب زرسے لکھے نام گنتے ہوئے
اور وہ جن کی تعداد گننے کو
گنتی کا کوئی عدد ہی نہ تھا
جن کے جسموں کے گارے سے تھاپی ہوئی خشت
تھامے تھی دیوار کو
کوئی اک اچٹتی ہوئی سی نظر بھی ادھرنہ گئی
میری آنکھیں دھنسی جا رہی تھیں
پگھلے جسموں کی دلدل میں
آنکھیں دھنسی جا رہی تھیں
کہ دیوار کی ایک ٹھوکر۔۔۔
حقارت بھری ایک ٹھوکر نے
واں سے کہاں لا کے پھینکا ۔۔۔۔۔۔۔۔۔۔۔۔۔۔۔۔۔۔۔۔۔۔۔
میری سو سالہ غربت۔۔۔ خجالت کی تاریخ ہے
میرا ماحول ہے
اور میں ہوں
شراب طہورہ کی
خواہش، طلب اورلذت میں دھت
اپنی گرتی حویلی کی چوکھٹ سے لپٹی
مری نیم مردہ سی آنکھیں ہیں
سوچیں ہیں، نظمیں ہیں
اورآب زر سے لکھے نام
مجھ پر ہنسے جا رہے ہیں
اونچا اونچا ہنسے جا رہے ہیں
Image: Kamran Taherimoghaddam


Related Articles

جب پانسہ پلٹے گا

شہر کے لوبھی ساگر جل کے غصّے کو للکار رہے ہیں،

البتراء

افتخار بخاری: میں تجھے تیرے جیسا
اپنا دل ہدیّـہ کروں گا،
پتّھر کا گلاب

کسی دن چلیں گے کراچی

نصیر احمد ناصر: کسی دن چلیں گے
کراچی
سمندر میں آنکھیں بہا کر
اُسے دیکھنے کی تمنا کریں گے